ကျောင်းပုံပြင် - အပိုင်း ၃ & ၄

Chapter 3

သော်သော်.. POV

အိပ်ယာကနိုးတော့ ခေါင်းတွေပူုပြီး ကိုက်နေသည်.. ရင်ခွင်ထဲမှာ အိပ်နေသော ဂျူးဂျူးက လွန့်လူးရင်း နိုးလာသည်။

“Good Morning Honey… “ ဂျူးဂျူးအထိအတွေ.က သာမန်အချိန်မှာ မက်လောက်စရာဖြစ်နိုင်ပေမယ့် အိပ်ယာနိုးစ ခေါင်းကိုက်နေသည့်အချိန်မှာတော့ ဘယ်လိုမှ သာယာမှုမပေး..

“သွားစမ်းပါကွာ…” ဂျူးဂျူးကို တွန်းထုတ်ရင်း ရေချိုးခန်းဖက်ထွက်လာခဲ့သည်။

မျက်နှာသစ်ရင်းမှ ရုတ်တရက် သတိရမိသည်… “သဲ…”

မနေ့ညက သဲနှင့် Club မှာ ပြသနာတတ်ရင်း၊ သဲအိမ်ပြန်သွားတာကို မသိလိုက်… သိသိချင်းလိုက်ဖို. ကြိုးစားပေမယ့် လူကလဲ မူးနေတော့ ကိုယ့်ဘာသာတောင် မထိန်းနိုင်..

“အား… ငါ့ချစ်သူ စိတ်ဆိုးနေတော့မှာဘဲ… “ ကိုယ့်ဘာသာ ကျိန်ဆဲရင်း ရေမြန်မြန်ချိုးကာ ချစ်သူကိုချော့ဖို. စကားတွေ စီနေမိသည်…

Xxx xxxx xx

သဲနု POV

“သဲ..မနေ့ညက ဆောရီးကွာ.. ကိုယ်နဲနဲမူးသွားလို. သဲအိမ်ပြန်သွားတာတောင် မသိလိုက်ဘူး…”

ဖုန်းစကိုင်ကိုင်ချင်း မောင်ပြာပြာသလဲ ဖြေရှင်းချက်ထုတ်သည်။

“သဲလေး.. မောင့်ကို စိတ်ဆိုးနေတာလား..ဘာလို. စကားပြန်မပြောတာလဲ.. ညက အိမ်ကို ချောချောမွေ.မွေ.ပြန်ရောက်ရဲ့လား”

“မောင်..”

“အင်း..ပြောလေ ကလေး..” ဒီလိုပါဘဲ မောင်က သူမကို စကားလုံးမျိုးစုံနဲ့ တင်စားခေါ်ဝေါ်တတ်သည်။ ဒါပေမယ့် မနေ့ညက Partner ဆိုတဲ့ စကားလုံးဆန်းကတော့ ကျွန်မနားမှာ ခါးသက်နေသေးသည်။

“ကျွန်မတို. လမ်းခွဲရအောင်…”

“ဟာကွာ…သဲကလဲ အဲလိုမပြောပါနဲ့… မနေ့ညက မောင် တကယ်မူးသွားလို.ပါ… “

“သဲ မောင့်ကို မယုံချင်တော့ဘူး… “

“….. ….” မောင့်ဘက်က အသံတိတ်သွားသည်။

ခဏနေတော့… “မင်းသဘောဘဲလေ..”

မောင်ဘက်က ဖုန်းအရင်ချသွားသည်။

အဲလောက်တောင် လွယ်သလားမောင်… ကျွန်မတို.၂ယောက် လမ်းခွဲဖို. ပြောတဲ့စကားက အဲလောက်တောင် တိုတောင်းလွန်းသတဲ့လား…

တယ်လီဖုန်းကို ကိုင်ရင်း ငိုမိသည်… သဲနုဘ၀မှာ သော်သော်ဆိုတဲ့ ချစ်သူ အရည်ပျော်သွားအောင် ငိုမိလိုက်သည်… တော်ပါပြီ…အချစ်ဆိုတာ ….

~~~ ~~~

သော်သော်.. POV

အမှန်တော့ ကျွန်တော် ဖုန်းမချလိုက်သင့်… ခက်တာက အရမ်းချစ်တတ်တဲ့ အမြဲအလျော့ပေးတတ်တဲ့ ချစ်သူက ဒီလိုလမ်းခွဲစကားပြောတော့ နဲနဲတော့ စိတ်ဆိုးမိသည်။

ကျွန်တော် ကောင်မလေးတွေအများကြီးနဲ့ တွဲတာ သူသိနေတာဘဲ.. ဒါပေမယ့် သူမက ကျွန်တော့်အချစ်ဆုံးဆိုတာ သူမကိုယ်တိုင်ရော ပတ်ဝန်းကျင်တခုလုံးကရော သိနေကြတာဘဲလေ…

သူမဖုန်းပြန်ခေါ်မလားလို. တယ်လီဖုန်းကို အနားမှာချရင်း စောင့်နေမိသည်။ စိတ်ထဲကလဲ ဖုန်းပြန်ခေါ်ပါ ဖုန်းပြန်ခေါ်ပါဟုတ် အကြိမ်တစ်ထောင်လောက် ရေရွတ်မိသည်။

ကျွန်တော်ပြန်ခေါ်လိုက်ရမလားလို့တွေးပြီး ခဏခဏ ဖုန်းကိုင်မိပေမယ့် အမြဲအနိုင်ယူနေကျသူရဲ့ အလျော့မပေးချင်တဲ့မာနက ကျွန်တော့်ကို ဖုန်းပြန်မခေါ်ဖို. တွန်းအားပေးနေသည်….

Xxxx xxxx

  

Chapter 4

သဲနု POV

နောက်နေ့တွေ ကျောင်းမှာ မောင့်ကို ကောင်မလေး အသစ်တွေနှင့်တွေ.သည်။ ကောင်မလေးတွေလို. ပြောရချင်းမှာ ကောင်မလေးတစ်ယောက်တည်းနဲ့ မောင်အတည်တကျ တွဲခြင်းမဟုတ်.. ကောင်မလေးတွေများစွာနှင့်….

သဲနု မောင့်ကို ကွယ်ရာမှ ခိုးကြည့်ရင်း…သက်ပြင်းအခါခါ ချမိသည်။

ဒီလိုနှင့် ရက်တွေ လတွေ ပြောင်းလဲလာခဲ့ပြီ…. မောင် နှင့် သူမ တစိမ်းပြင်ပြင်ဖြစ်ခဲ့သည်..

စာမေးပွဲကြီးနီးလာပြီ…

“သဲနုရေ.. နင် EMC တွေပိုင်ပြီလား.. ငါကတော့ Digital နဲ့ Analog ကို ရောနေတုန်း..” သူငယ်ချင်း ယုဝါက မေးသည်။

“အေး… ငါလဲ မေဂျာတွေကို ကြောက်ပြီးကြည့်ခဲ့လိုလားမသိဘူး…ခု မိုင်နာဘာသာတွေက ပြသနာတတ်နေတယ်..”

“ဟဲ့..နင့်ကောင်မလေး သော်သော်တောင် Civil က Queen နဲ့ တွဲနေတယ်တဲ့…”

“သူ့ဘာသာ ဘယ်သူနဲ့ တွဲတွဲပေါ့ဟယ်… ငါစိတ်မ၀င်စားဘူး…” ယုဝါကို ပြန်ဖြေရင်း သူမနှလုံးသားတစ်ချက်ကျင်သွားတာကို မသိချင်ယောင်ဆောင်လိုက်သည်။

သော်သော်.. POV

သူမကို စိတ်ဆိုးပြီး ကောင်မလေးတွေ အများကြီးနှင့် တွဲပြသည်။ အမှန်တော့ ကျွန်တော့် စိတ်တွေလေနေသည်။ အမြဲတတွဲတွဲ ရှိခဲ့သည့် ချစ်သူ၂ဦး.. အခုလို ပြတ်ပြတ်စဲစဲတွေ.တော့ အရမ်းမနာလိုဖြစ်ခဲ့ဖူးသည့် သူငယ်ချင်းတွေကတောင် ကျွန်တော့်ကို ပြန်တောင်းပန်ဖို. ပြောနေကြပြီ…

ခက်တာက ကောင်မလေးရယ်… ငါမာနတွေ မချချင်သေးဘူး…. မင်းဘာလို. ငါ့ဆီပြန်မလာတာလဲ…

အရင်လို ငါ့ကိုလွမ်းပြီး မငိုတော့ဘူးလား….

~~~ ~~~

သဲနု POV

စာမေးပွဲဖြေပြီ…

ကံဆိုးသလား၊ ကံကောင်းသလားမသိ… မောင်နဲ့ သူမ ခုံနံပါတ်ချင်း ကပ်ရက်ဖြစ်နေတာကို မေ့နေခဲ့သည်။ အရင်ကတော့ စာမေးပွဲဖြေတိုင်း ချစ်သူကို အနားမှာ မြင်နေရတာ အားတစ်ခု၊ အခုကတော့ ….

စာမေးပွဲကို မောင် ဖြေနိုင်ပုံမရ… သူမနဲ့ မျက်နှာချင်းဆိုင်မိတော့ မျက်နှာငယ်လေးနဲ့ မျက်လုံးလွှဲသွားသည်..

သဲနု စာရနေပေမယ့် စိတ်ထဲမကောင်း… ၃နှစ်တိုင်တိုင် ချစ်ခဲ့ဖူးသူတစ်ယောက် ကိုယ့်ရှေ.မှာ အခက်ခဲဖြစ်နေတာ မြင်ရတော့ သဲနု စိတ်တွေ အရည်ပျော်ရပြီ…

“ဟိတ်.. မောင်.. မေးခွန်းလဲမယ်…” ဆရာမလစ်တုန်း မောင့်ကို လှမ်းခေါ်ပြီး မေးခွန်းမှာ အဖြေအချို. ခပ်သွက်သွက်ရေးကာ စာရွက်ချင်းလဲပေးလိုက်သည်။

မောင့်မျက်ဝန်းတွေလက်သွားပြီး၊ သူမကို ကျေးဇူးတင်သည့်အကြည့်နဲ့ ကြည့်သည်။ သူ အဖြေတွေကို ကူးရေးနေတုန်း သဲနု ဆရာမကို အဖြေလွှာအပ်ပြီး စာမေးပွဲခန်းထဲက ထွက်ခဲ့သည်။

နောက်နေ့တွေလဲ မောင့်ကို တနည်းနည်းနှင့် စာခိုးပြရသည်။ မောင်ကလဲ သဲနု စာပြပေးမှန်းသိတော့ ပိုအတင့်ရဲလာသည်။ တခါတခါတော့ စာဘာလို.မကျက်လဲလို. အပြစ်တင်မိသည်။ အရင်ကဆို မောင်နဲ့ သဲနုတူတူစာကျက်နေကြ..မောင်က ညံ့တဲ့ ကျောင်းသားတစ်ယောက် မဟုတ်တာသေချာသည်..

သော်သော်.. POV

ချစ်သူရဲ့ ရက်ရောမှုကြောင့် စာမေးပွဲက ဖြေနိုင်ရုံသာမက ဂုဏ်ထူးပါထွက်နိုင်သည်။

ဒီစာမေးပွဲက သူတို.၂ယောက်ကို ရင်ကြားစေ့ပေးနိုင်သော Lucky Exam ဖြစ်နေသည်။ နေ့စဉ် သူမရဲ့ စိုးရိမ်နေတဲ့ မျက်ဝန်းလေးတွေ မြင်ရတာ ကျွန်တော် ကြည်နူးမိသည်။ ရင်ထဲမှာ သေချာသိနေတာက သူမကျွန်တော့်ကို ချစ်သေးသည်။

စာမေးပွဲဖြေပြီးချိန် သူမနဲ့ စကားပြောချင်ပေမယ့်၊ ရှက်နေလို.လားမသိ ချစ်သူက နေ့တိုင်း အစောကြီး ပြန်သည်။

အေးပေါ့လေ..ခုတော့ နှိပ်စက်ထားဦးပေါ့ကွာ… စာမေးပွဲပြီးမှတွေ.မယ်…